وه‌ختێ ک دلم گریه‌ێ تیه‌ی بوقز دلم وا که‌ی

زانم ک هه‌وا خوامی، حه‌یفه که ت حاشا که‌ی

سه‌د دیوز و که‌له‌ک ده‌یدن، هه‌ر جا ک بچم ته‌یدن!

سه‌نگ بود ته‌ره‌ک به‌یدن، ئی جوره ته‌ماشا که‌ی

له‌ی باخه په‌لی وشکم تا بال و په‌ڕی وا که‌ی

هه‌ر جورِ مه‌لؤچگ ته‌یی، له‌ی بان ِ په‌له جا که‌ی

که‌م دی ت هه ده‌س ده‌س که، گلیه‌ی له‌م دی به‌س که

شێته‌یل په‌رینه‌و گشت، تا‌گه‌ر که ت  پاپا  که‌ی

که‌ی بوود هه چؤ ئه وسا، بایدن ته وه ئی ده‌ورا

چؤن دلخوه‌شی گه‌ورا، له‌ی ناو دله به‌ر‌پا که‌ی

له‌یره هه ‌ده‌نگ و باسه، ئیوشن ک ت تیه‌یی راسه!

به‌و پا قه‌ده‌مد خاسه، ئێ ملکه ت ئاوا که‌ی

من ک براێ داخ دل سه‌رکه‌شم

من ک گوله وو، ته‌رکش و زه‌خمه به‌شم
ده‌فته‌ر هؤرم وه خودا کوت کوته
مه‌خش مناڵی مه پڕێ راکته
کووچ و ره‌وو ژان و هه بێچاره‌گی
مه‌خش ئه‌وه‌ڵ ساڵ م ئاواره‌گی
ئاو ئه‌وه‌ڵ  ده‌رس  م  نه‌ؤ ئاگرؤ
ده‌فته‌ر مه‌خشم له بڵازه‌ی پرؤ
شعر مه نه‌ؤشم ک خڵاتم بکه‌ین
فکرێ ئڕا زه‌خم وڵاتم بکه‌ین
تام تیه‌ڵ زه‌خم و گوله دیمنه
بان دڕگ پاێ په‌تی چیمنه
له‌ێره چه‌نێ ئه‌زره‌ت که‌و که‌و چێه!
له‌ێره ده‌س و پا و سه‌ر و چه‌و چێه!
گش که‌سه‌گه‌م جه‌نگ که هه‌له‌ێوا نیه
یه‌ێ ده‌فه دؤنید که ده‌س، پا نیه!
کاش ته‌نگه زه‌خمیه‌گه‌ێ حاجیان
زه‌خم سه‌ر شانی بێاشتا زووان
داخ ئڕاێ ده‌رد نه‌وه تیاییه
داخ ئڕا ئێ دڵ شکیاییه
که‌ێ تِ شنفتیده ده‌نگ رووڵه‌ڕوو
که‌ێ تِ وه چه‌و دیدنه زه‌خمه‌یل نو
دار و کوچگ ڕا چوه نیه‌ته‌ینه‌و زووان
داخ ئڕا شێره کوره‌یل خوه‌مان
به‌رزو بڵێن، بی‌رێه هه‌ر جوور که‌ور
خوه‌د و ده‌سد پاد بنیدن له قه‌ور!
له‌ێ ده‌مه ‌له‌و ده‌رده  وه‌تن وه خته ‌نه؟!
رووڵه له باوش شه‌ل و کوت سه‌خته نه‌!
شان شه‌که‌ت ژیر له‌ش روله نه‌و!
مشتی گوله‌ێ داخ ، به‌ش روله نه‌و!
وه‌ختێ ک چی گشت که‌سد نه‌یده خاک
وه‌ختێ برایلد وه دسد نه‌یده خاک
ئه‌و ده‌مه ک گیس  ئه‌ڵه‌نگوو ده‌سه
شین له‌ش باوگ نیه‌زانی چوه‌سه
تیکه وه تیکه دڵه‌گه‌د قاچ که‌ید
وه‌ختێ ده‌م سه‌رد کوڕد ماچ که‌ید
بغز کؤه، ئه‌سر چه‌ویلم چه‌مه
بایده زیارت وه وڵاتم که‌مه
هه‌ر وه خوودا  هه‌ر وه دڵ چاک چاک
نه‌یمنه دژمن قه‌د یه‌ێ ویژه خاک

په ری ۱

ئه‌و په‌ری با‌ڵا ‌بڵین گو‌ڵ ده‌مه

چؤ ئمامێ زریه‌گه‌ێ بگری که‌مه

ناز و خا‌ڵ و سێف و باێه‌م به‌و بوه

هه‌ێفه ئه‌ر هه‌‌ڵ ویژنیدن، ده‌ر هه‌مه

چه‌و هساره، زلف خاوێ چؤ چه‌ویر

قامه‌تێ سه‌وزو شرین خورماێ به‌مه

رێ بڵه‌ێ‌ هه‌م له‌ێره سه‌ر لێ شێویه‌ێد

زلف لؤل ِ هؤل ِ خاوێ پر خه‌مه

بال گرت و له‌ێ ولاته چێ کِ چێ

ماله‌گه‌ێ سه‌ردم رمان  ئێ ماته‌مه

ئێ کؤیله بغز کوو به‌سیاێ زه‌ؤ و

ئاه سه‌رد ئاسمانه ئێ ته‌مه

ت په‌ری خه‌ێویله‌گه‌ێ ماڵ خوه‌می

قه‌د بلێن و چه‌و ره‌نگین و گوڵ ده‌می

تا ک دؤری، دؤنمه‌د، ئه‌ما هناێ

تیه‌م وه‌ره‌و پید نادیاری، چؤ ته‌می

به‌رز و شیرین، سه‌وزو،  مه‌غرور و مه‌سی

چه‌و به‌دد کوورو چمان خورماێ به‌می

گرته ‌وه‌ر هه‌ؤرات هؤرد  ئێ دیه‌که

عه‌تر نان ِ ساجی ئێواره‌می

نه‌یمه دارێ ئێ قه‌ره به‌ر به‌ێ عه‌زیز

لیموی، سێفی، ئه‌ناری، باێه‌می

وه‌ێ چه‌و کال و دِ بال سه‌وزده

ها مه ‌ئێ فکره، په‌ری یا ئاێه‌می

هه‌ر فه‌قه‌ت خوه‌م دؤنمه‌د راحه‌ت بنیش

ته په‌ری خه‌ێو‌یله‌گه‌ێ ماڵ خوه‌می

گوله م گوله م خوصه و خیون  هه لت هه لت په ژاره
به شم له روژ روشن یه ی ئا سمان شه واره
گه ل گه ل گولیل که لمه س بی که س چرویسیانه
خوزیو وه چه و نیاتام زه ر دی ای وهاره
یسه زه لان هه ل کریاس ریو ناسه ئی دیاره
حیفه له بن دراری سیونیل ئی ده واره
هی دل نه داخه لیتیی ار یی گری خو شمه
پسا دارزنیدم ئی ژان نادیاره
چیو دوره گه ی منالی بان خه م له دل دراریم
ای هاو کوریل کوو بون ئه مشو هشار هشاره
قه یر فیره یگه بی ده نگ نیشم له ای که لا وه
پریوسنک چو پید هات که ی بای دنو دجاره
ریوار بیوش وه کو چی لر قه ی مانگه شه ویلم
دلم گیریایه ئه مشو ارای وه چکه هساره
له ی ده روه ن تیریکه چی له هناز ئاسو
ئیوشم منی دا جمیه م له شون ئه و سه واره